«Liverpul»ning niderlandiyalik markaziy himoyachisi Virjil van Deyk joriy mavsum yakunlanganidan so‘ng jamoasini o‘zgartirishi mumkin. Uning mersisaydliklar bilan amaldagi shartnomasi 2027 yil yozida o‘z nihoyasiga yetadi.
Insayder Ekrem Konurning ijtimoiy tarmoqlarda ma’lum qilishicha, 35 yoshli futbolchini o‘z safiga qo‘shib olishga bir qator klublar qiziqish bildirmoqda. Ular orasida Madridning «Real», Istanbulning «Galatasaroy», «Milan» va «Inter Mayami» klublari bor.
Agar Van Deyk «Liverpul» bilan yangi shartnoma imzolamasa, ushbu klublar uni erkin agent sifatida tekinga o‘z safiga qo‘shib olishi mumkin.
Van Deyk 2018 yildan buyon «Liverpul» sharafini himoya qilib kelmoqda. Himoyachining bozor qiymati 15 million yevroga baholanmoqda.
Joriy mavsum Angliya Premyer-ligasida niderlandiyalik futbolchi beshta uchrashuvda maydonga tushdi.













