«Борнмут» ярим ҳимоячиси Алекс Скотт Испаниянинг энг йирик клубларидан бири қизиқиш доирасига тушди. Бу ҳақда инсайдер Мигель Серрано хабар берди.
Манба маълумотига кўра, Мадриднинг «Реал» клуби 23 ёшли англиялик футболчини ўз сафига қўшиб олишни истамоқда. Скоттнинг трансфер қиймати 50 миллион еврога баҳоланмоқда. Унинг «Борнмут» билан амалдаги шартномаси 2028 йил июнь ойи охирига қадар мўлжалланган.
Аввалроқ ОАВда Скоттга «Челси», «Манчестер Юнайтед», «Ливерпуль» ва «Арсенал» клублари ҳам қизиқиш билдираётгани ҳақида хабарлар тарқалган эди.
Жорий мавсум Англия Премьер-лигасида Алекс Скотт бешта учрашувда майдонга тушиб, битта гол урди ва битта сариқ карточка олди.
