Италия терма жамоасининг собиқ дарвозабони Эмилиано Вивиано «Милан» ҳужумчиси Гонсалу Рамушнинг сермаҳсуллиги ҳақида фикр билдирди.

«Бунга мутлақо ишонаман: агар Гонсалу Рамуш шу ўйинларни “Ювентус” сафида ўтказганида, чемпионатда ҳозирга қадар 5 та гол урган бўларди. Буни сизга чин дилдан айтяпман», — дея Вивианонинг сўзларини Cronache di Spogliatoio келтирди.

Вивиано, шунингдек, португалиялик ҳужумчининг самарадорлигини ошириш учун «Милан» ўйин услубида айрим ўзгаришлар қилиши кераклигини таъкидлади.

«Агар жамоа тўпни узоқроқ назорат қилиб, ўйинни рақиб майдонига кўпроқ кўчира олса, Рамушга жамоага ёрдам бериш учун тез-тез ортга қайтишга тўғри келмайди. У жарима майдонида жуда кучли. Буни Португалия терма жамоаси сафида ва жаҳон чемпионатида ҳам кўрсатган», — деди Вивиано.

Жорий Италия чемпионатида Рамуш 5 та учрашувда майдонга тушиб, 1 та гол урган.