Чехия терма жамоаси сардори Ладислав Крейчи УЕФА Миллатлар лигасида Англиядан 0:2 ҳисобида учралган мағлубият ҳақида фикр билдирди.
«Жуда оғир ўйин бўлди. Чехия дунёнинг энг кучли жамоаларидан бирига қарши майдонга тушди. Ўн киши бўлиб қолганимиздан кейин вазият янада қийинлашди.
Шунга қарамай, жамоадошларимдан мамнунман ва уларга катта ҳурмат билан қарайман. Биз олдимизга қўйилган вазифани бажаришда давом этдик, ихчам ҳаракат қилишга ва имкон қадар ижодкор футбол намойиш этишга уриндик», — дея Крейчининг сўзларини УЕФА расмий сайти келтирди.
