Chexiya terma jamoasi sardori Ladislav Kreychi UEFA Millatlar ligasida Angliyadan 0:2 hisobida uchralgan mag‘lubiyat haqida fikr bildirdi.
«Juda og‘ir o‘yin bo‘ldi. Chexiya dunyoning eng kuchli jamoalaridan biriga qarshi maydonga tushdi. O‘n kishi bo‘lib qolganimizdan keyin vaziyat yanada qiyinlashdi.
Shunga qaramay, jamoadoshlarimdan mamnunman va ularga katta hurmat bilan qarayman. Biz oldimizga qo‘yilgan vazifani bajarishda davom etdik, ixcham harakat qilishga va imkon qadar ijodkor futbol namoyish etishga urindik», — deya Kreychining so‘zlarini UEFA rasmiy sayti keltirdi.













