Загребнинг «Динамо» клубига тегишли бўлган 19 ёшли хорватиялик ҳимоячи Ноа Микич Европа трансфер бозорида бир қатор клублар қизиқишига сабаб бўлмоқда. Бу ҳақда журналист Экрем Конур ижтимоий тармоқларда хабар берди.

Манба маълумотига кўра, Леверкузеннинг «Байер» клуби иқтидорли футболчини ўз сафига қўшиб олишга жиддий қизиқиш билдирмоқда. Шунингдек, Микични «Ньюкасл», «Брентфорд», «Халл Сити» ва «Ипсвич» клублари ҳам кузатиб бормоқда.

Микичнинг Загреб клуби билан амалдаги шартномаси 2028 йил ёзига қадар мўлжалланган. Футболчининг трансфер қиймати 400 минг еврога баҳоланмоқда.

Ўтган мавсум Хорватия чемпионатида Ноа бешта учрашувда майдонга тушиб, иккита сариқ карточка олди.