«Барселона» президенти Жоан Лапорта Аргентина терма жамоаси ва Миланнинг «Интер» клуби ҳужумчиси Лаутаро Мартинеснинг амалга ошмай қолган трансфери ҳақида гапирди.

«Август ойида Лаутаро Мартинесни қўлга киритиш учун барча имкониятлардан фойдаланишга ҳаракат қилдим. У жуда юқори савияли ҳужумчи ва биз уни “Барселона”да кўришни истаган эдик.

Мен шахсан “Интер” президентига қўнғироқ қилдим, аммо у дарҳол бу масалада ҳеч қандай имконият йўқлигини айтди. Мен клубнинг позициясини ҳурмат қиламан», — дея Лапортанинг сўзларини Corrierre келтирди.

Лаутаро Мартинеснинг трансфер қиймати 85 миллион еврога баҳоланмоқда. 29 ёшли аргентиналик ҳужумчининг «Интер» билан амалдаги шартномаси 2029 йил июнь ойи охирига қадар мўлжалланган.