«Арсенал» ҳужумчиси Виктор Дьокереш ёзда клубни тарк этиши мумкинлиги ҳақида тарқалган миш-мишларни рад этди ва жамоада қолиш қарори у учун аниқ бўлганини таъкидлади.

«Албатта, жуда кўп миш-мишлар бўлди. Аммо мен мавсумолди тайёргарлигини тўлиқ ўтказдим ва ҳаммаси яхши кечди. Бор эътиборимни “Арсенал”га қаратган эдим.

Мен учун жамоада қолиш аниқ қарор эди. Бу клубда жуда бахтлиман.

Кўп ўйинда майдонга тушмадим, аммо бир нечта учрашувда иштирок этдим. Умуман олганда, ҳаммаси жойида. Лекин, табиийки, мен футбол ўйнашни ва имкон қадар кўпроқ майдонга тушишни хоҳлайман. Умид қиламанки, шундай бўлади. Футболчи сифатида сен доимо майдонда бўлишни истайсан.

Албатта, кўпроқ ўйин амалиётига эга бўлишни кутасан. Аммо жамоамиз таркиби жуда кучли, бизда юқори савияли футболчилар кўп ва мавсумни ҳам яхши бошладик», — деди Дьокереш.

Ёзда Викторнинг «Атлетико»га ўтиши мумкинлиги ҳақида хабарлар тарқалган эди. Бу Хулиан Альварес трансфери доирасидаги эҳтимолий келишув билан боғланган.

Хабарларга кўра, «Арсенал» аргентиналик ҳужумчи эвазига Мадрид клубига тахминан 50 миллион евро ва Дьокерешни таклиф қилган.