Испаниялик «Фулхэм» ҳужумчиси Гонсало Гарсия Мадриднинг «Реал» клубидан трансфер қилинганидан сўнг Европанинг етакчи клублари эътиборини тортди. Футболчи «дачачилар»га 40 миллион еврога тушган.

Инсайдер Экрем Конур ижтимоий тармоқларда маълум қилишича, Англия клуби раҳбарияти 22 ёшли ҳужумчини 60-70 миллион евро деб баҳоламоқда. Шу билан бирга, «қаймоқранглилар» футболчини қайта сотиб олиш ҳуқуқини сақлаб қолган.

Гарсиянинг «Фулхэм» билан шартномаси 2031 йил июнь ойи охиригача амал қилади. Transfermarkt унинг бозор қийматини 30 миллион евро деб баҳоламоқда.

Англия Премьер-лигасининг жорий мавсумида Гонсало 5 та учрашув ўтказиб, 1 та гол урди.