«Барселона» президенти Жоан Лапорта жамоа ҳужумчиси Ламин Ямалнинг «Олтин тўп»ни қўлга киритиш имкониятлари ҳақида фикр билдирди.

«Ламин Ямал — ўзининг таъкидлашича, мухлисларга завқ бағишлайдиган футболчилардан бири. Адолат қарор топишига ва “Олтин тўп”ни “Барселона” футболчиси қўлга киритишига умид қиламиз. Агар бу Ламин бўлса, биз жуда хурсанд бўламиз», — дея Лапортанинг сўзларини Barça Universal келтирмоқда.

Аввалроқ «Олтин тўп» ғолибини аниқлаш учун овоз бериш якунланган эди. Натижалар 26 октябрь куни бўлиб ўтадиган тақдирлаш маросимида эълон қилинади. Айни пайтда ғолиблик учун асосий даъвогарлар сифатида Ямал ва Кейн кўрилмоқда.

Янги мавсумда 19 ёшли Ямал барча мусобақаларда 8 та учрашув ўтказиб, 8 та гол урди ва 6 та голли узатма амалга оширди.