«Реал» ҳимоячиси Рауль Асенсио ўнг оёғининг катта болдир суягида стресс-синиш аниқлангани сабаб эртага жарроҳлик амалиётини бошдан кечиради. Бу ҳақда Мадрид клуби расман маълум қилди.
«Футболчимиз Рауль Асенсио ўнг оёғининг катта болдир суягидаги стресс-синиш сабаб эртага операция қилинади», — дейилади клуб баёнотида.
Хабарларга кўра, испаниялик футболчи икки ойдан тўрт ойгача майдонга туша олмаслиги мумкин.
Асенсио яқиндагина соннинг тўғри мушагидан олган жароҳатидан тузалган эди. Ушбу муаммо сабаб ҳимоячи бир неча ҳафта давомида ўйинларда иштирок эта олмаган.
Шу билан бирга, Эдер Милитао сон орқа қисмидаги узоқ муддатли жароҳатидан кейин майдонга қайтишга яқин турибди.
