"Челси" ҳужумчиси Фернандо Торрес ЕЧЛ 2-тури доирасида "Стяуа"га қарши ўйинда тиззасидан жароҳат олди ва энди у камида 2 ҳафта майдонга туша олмайди. Бу ҳақда лондонликлар бош мураббийи Жозе Моуриньо хабар берди.
"Шифокоримизнинг ишонч билан айтишича, Торреснинг жароҳати ван Гинкелники каби у қадар жиддий эмас. Фернандонинг жароҳати тиззаси билан боғлиқ. Аниқ ташхис эса чоршанба кунги тиббий назоратдан кейин маълум бўлади. Лекин якшанба куни бўладиган "Норвич" билан ўйинда иштирок эта олмаслигини ўзи ҳам билади. Шунингдек, у миллий терма жамоанинг иккала баҳсини ҳам ўтказиб юборади. "Кардифф" билан ўйингача 15 кун вақт бор. Агар даволаш муддати чўзилиб кетмаса, у сафга қайтади", дейди португалиялик мутахассис.













