«Бавария» Майкл Олисе билан шартномани узайтириш бўйича музокараларни бошлашга тайёр.
Томонлар ўртасидаги музокаралар Харри Кейн билан шартномани узайтириш жараёнига қараганда мураккаброқ кечиши кутилмоқда. Мюнхенликлар Олисега тўланадиган йиллик маошни 14 миллион евродан 25 миллион еврогача оширишни режалаштирмоқда.
AS нашри Sport Bild манбасига таяниб хабар беришича, Олисенинг асосий талаби шартномага товон пули (шартномани муддатидан олдин бекор қилиш имконини берувчи сумма) бандини киритишдан иборат. Тахминларга кўра, 200 миллион евро миқдоридаги товон пули етарли бўлиши мумкин.
Айни пайтда 24 ёшли Олисининг «Бавария» билан шартномасида бундай банд мавжуд эмас. Амалдаги келишув 2029 йилнинг ўрталарига қадар мўлжалланган.
