Мустақил футбол регулятори (IFR) раиси Дэвид Коган, клубнинг молиявий қонунбузарликларини текширадиган мустақил ҳайъат қароридан сўнг, "Манчестер Сити" эгалари жиддий санкцияларга дуч келиши мумкинлигини айтди.
"IFR эгалари, директорлари ва раҳбарларининг қонунга риоя қилишини баҳолаш ваколатига эга ва бу ваколатдан зарур ҳолларда инглиз футболининг барқарорлиги, яхлитлиги ва ҳаққонийлиги манфаатларида, агар қонунбузарликнинг аниқ далиллари мавжуд бўлса, фойдаланади", деди Коган Daily Mail нашрига.
Аввалроқ Премьер-лига "Манчестер Сити" молиявий қонунбузарликларнинг барча 115 та айблови бўйича айбдор деб топилганини эълон қилган эди. Ҳайъат хулосаларига кўра, клуб даромадларни сунъий равишда ошириш ва харажатларни камайтириш учун тижорат шериклари билан сохта шартномалардан фойдаланган. 2009 ва 2018 йиллар оралиғида молиявий ҳисоботлар қарийб 900 миллион фунт стерлингга нотўғри тақдим этилган.
"Манчестер Сити" аллақачон ўзининг айбсизлигини ва барча мавжуд воситалар билан ўзини ҳимоя қилишга тайёрлигини эълон қилган.
