Тунис терма жамоаси Малига қарши ўртоқлик учрашувини бекор қилди. Жамоалар 3 октябрь, шанба куни майдонга тушиши керак эди, аммо баҳс ўтказилмайди. Бу ҳақда Goal Тунис футбол федерациясига таяниб хабар берди.
Тунис терма жамоасига яқин манба маълумотига кўра, учрашувни бекор қилишга «Карфаген бургутлари» сафидаги кўплаб жароҳатлар ҳамда федерациянинг FIFA рейтингида яна пастлаб кетиш хавотири сабаб бўлган.
Тунис жаҳон чемпионатидан кейин FIFA рейтингида бирданига 12 поғона пастлаб, 45-ўриндан 57-поғонага тушиб кетди.
FIFA расмий рейтинги ўшандан буён ҳали янгиланмаган бўлса-да, онлайн рейтингда Тунис айни пайтда 61-ўринда қайд этилмоқда.
