Аргентина терма жамоасининг янги сардори Кристиан Ромеро халқаро фаолиятини якунлаётган Лионель Мессининг футболдаги буюклиги ҳақида фикр билдирди.

39 ёшли ҳужумчи 6 октябрдан 7 октябрга ўтар кечаси «альбиселесте» сафида сўнгги учрашувини ўтказади. Аргентинага Бенин рақиблик қилади.

«Биз сардоримиз Леонини доимо соғиниб юрамиз. Бу кунни ҳеч қачон унутмайман. Терма жамоа сардори бўлишимни асло тасаввур қилмаган эдим.

Бу — ажойиб туйғу. Зиммамда улкан масъулият бор, аммо бу вазифага тайёр эканимни ҳис қиляпман.

Леога келсак... Биз унга ўхшаган футболчини бошқа ҳеч қачон кўрмаймиз. У футбол тарихидаги энг буюк футболчи. Месси ҳар доим барчамиз учун ўрнак бўлиб келган», — деди Ромеро Боливия устидан 4:0 ҳисобидаги ғалабадан сўнг берган интервьюсида.