Argentina terma jamoasining yangi sardori Kristian Romero xalqaro faoliyatini yakunlayotgan Lionel Messining futboldagi buyukligi haqida fikr bildirdi.

39 yoshli hujumchi 6 oktyabrdan 7 oktyabrga o‘tar kechasi «albiseleste» safida so‘nggi uchrashuvini o‘tkazadi. Argentinaga Benin raqiblik qiladi.

«Biz sardorimiz Leonini doimo sog‘inib yuramiz. Bu kunni hech qachon unutmayman. Terma jamoa sardori bo‘lishimni aslo tasavvur qilmagan edim.

Bu — ajoyib tuyg‘u. Zimmamda ulkan mas’uliyat bor, ammo bu vazifaga tayyor ekanimni his qilyapman.

Leoga kelsak... Biz unga o‘xshagan futbolchini boshqa hech qachon ko‘rmaymiz. U futbol tarixidagi eng buyuk futbolchi. Messi har doim barchamiz uchun o‘rnak bo‘lib kelgan», — dedi Romero Boliviya ustidan 4:0 hisobidagi g‘alabadan so‘ng bergan intervyusida.