«Барселона» ҳужумчиси Рафинья Диас жароҳати сабаб Бразилия терма жамоаси ихтиёрини муддатидан олдин тарк этди.

Футболчининг жароҳати жиддий эмаслиги маълум бўлди. Шу боис у Ла Лиганинг навбатдаги турида «Хетафе»га қарши асосий таркибда майдонга тушиши ҳам мумкин.

Бироқ Barca Universal нашри ёзишича, жамоа бош мураббийи Ханс-Дитер Флик сардорни октябрь ойидаги муҳимроқ учрашувларга асраб қолиши эҳтимолдан холи эмас.

Немис мутахассисининг ҳужум чизиғида Рафинья ўрнида ўйнаши мумкин бўлган олтита варианти бор. Улар — Габриэл Жезус, Хамза Абделькарим, Энтони Гордон, Дани Ольмо, Фермин Лопес ва Ламин Ямал.

Рафинья халқаро танаффусга қадар «Барселона» сафида ўтказган 8 та учрашувда 14 та гол урди ва 3 та голли узатмани амалга оширди.