Англияда 1995 йилда «Блэкберн» таркибида мамлакат чемпиони бўлган ҳимоячи Айан Пирснинг ўғли Рафф Пирснинг муваффақиятлари тобора кўпроқ муҳокама қилинмоқда.
Айан Пирс фаолиятининг қолган қисмини асосан «Вест Хэм Юнайтед» ва «Фулхэм»да ўтказган. Футболчилик фаолиятини эса «Саутгемптон», «Линкольн Сити» ва «Кингстониан» клубларида якунлаган. У профессионал футболдан кетгач, бош мураббий ёрдамчиси сифатида фақат «Линкольн Сити»да ишлаган. Айни пайтда эса «Вест Бромвич»да спорт директори лавозимида фаолият юритмоқда.
Унинг ўғли Рафф эса ҳаваскорлар лигасида иштирок этувчи кичик клубни бошқармоқда. Жамоа унинг қўл остида кетма-кет саккизта учрашувдан буён мағлубиятга учрамаяпти. Қизиғи, ўтган мавсум якунида клуб бошқарувини қўлга олганидан кейинги биринчи учрашувидаёқ Рафф жамоаси 4:0 ҳисобида ғалаба қозонган.
