Англия Премьер-лигасининг икки клуби «Манчестер Сити» ҳужумкор ярим ҳимоячиси Райан Шеркини ўз сафига қўшиб олишга қизиқиш билдирмоқда. Бу ҳақда TEAMtalk хабар берди.
Манба маълумотига кўра, агар молиявий қоидабузарликлар бўйича иш юзасидан жиддий жазо қўлланилиши натижасида «Манчестер Сити» Шеркини сотишга мажбур бўлса, вазиятдан «Ливерпуль» ва «Арсенал» фойдаланишга тайёр. Шу билан бирга, истеъдодли француз футболчисига қизиқиш билдираётган клублар фақат шу икки жамоа билан чекланмаслиги таъкидланган.
«Манчестер Сити» 23 ёшли Шеркини 2025 йил ёзида «Лион»дан 36,5 миллион еврога сотиб олган. Жорий мавсумда ярим ҳимоячи барча мусобақалар доирасида саккизта ўйинда майдонга тушиб, тўртта гол урди ва иккита голли узатмани амалга оширди.
