Аргентина терма жамоаси ярим ҳимоячиси Алексис Мак Аллистер Лионель Мессининг жамоа қароргоҳига келиши олдидан футболчилар орасида катта интиқлик ҳукм сураётганини айтиб, сардорни хайрлашув ўйини олдидан қандай кутиб олишни режалаштираётганларини маълум қилди.
Кордобада Боливия устидан қозонилган ғалабадан кейин «Ливерпуль» ярим ҳимоячиси бутун жамоа Месси билан терма жамоадаги сўнгги лаҳзаларни яқин ва самимий муҳитда ўтказишни хоҳлаётганини таъкидлади.
«Уни кўришни интиқлик билан кутяпмиз. Умид қиламанки, кичик барбекю ҳам қиламиз ва тарихдаги энг яхши футболчи билан бирга ўтказадиган сўнгги лаҳзаларимиздан завқланамиз», — деди Макаллистер TyC Sports телеканалига.
Шу тариқа, ярим ҳимоячи сардорнинг жамоага келиши олдиданги муҳит ҳақида гапирди. Аргентина келаси сешанба куни Бенинга қарши тарихий учрашув ўтказади ва ушбу баҳс Мессининг миллий жамоадаги афсонавий фаолиятига якуний нуқта қўйиши кутилмоқда.
