Argentina terma jamoasi yarim himoyachisi Aleksis Mak Allister Lionel Messining jamoa qarorgohiga kelishi oldidan futbolchilar orasida katta intiqlik hukm surayotganini aytib, sardorni xayrlashuv o‘yini oldidan qanday kutib olishni rejalashtirayotganlarini ma’lum qildi.
Kordobada Boliviya ustidan qozonilgan g‘alabadan keyin «Liverpul» yarim himoyachisi butun jamoa Messi bilan terma jamoadagi so‘nggi lahzalarni yaqin va samimiy muhitda o‘tkazishni xohlayotganini ta’kidladi.
«Uni ko‘rishni intiqlik bilan kutyapmiz. Umid qilamanki, kichik barbekyu ham qilamiz va tarixdagi eng yaxshi futbolchi bilan birga o‘tkazadigan so‘nggi lahzalarimizdan zavqlanamiz», — dedi Makallister TyC Sports telekanaliga.
Shu tariqa, yarim himoyachi sardorning jamoaga kelishi oldidangi muhit haqida gapirdi. Argentina kelasi seshanba kuni Beninga qarshi tarixiy uchrashuv o‘tkazadi va ushbu bahs Messining milliy jamoadagi afsonaviy faoliyatiga yakuniy nuqta qo‘yishi kutilmoqda.
