Швециялик собиқ футболчи Гленн Хюсен «Ливерпуль» ҳужумчиси Александр Исак сон соҳасидан жароҳат олиб, миллий жамоа қароргоҳини тарк этганидан сўнг уни қўллаб-қувватлади. Бу жароҳат футболчи ниҳоят яхши формага кира бошлаган бир пайтда юз берди.
Исак Швециянинг Миллатлар лигасида Руминияга қарши илк учрашувида жароҳат олди. У жорий мавсумда Премьер-лигадаги дастлабки беш ўйинида тўртта гол уришга муваффақ бўлган эди.
«Ливерпуль» футболчи қўшимча тиббий текширувдан ўтиш учун «енгил жароҳат» билан Мерсисайдга қайтганини тасдиқлади. Шу сабабли унинг 11 октябрь куни «Манчестер Сити»га қарши учрашувда майдонга тушиши сўроқ остида қолмоқда.
«Энди у ўйинини топа бошлаган бир пайтда бу жуда ачинарли. Менимча, у яна тўғри йўлга тушиб олганди. Аммо, афсуски, шу ерда жароҳат олди. Таваккал қилиб аҳволни оғирлаштиргандан кўра, соғлом ва яхши ҳолатда қайтгани маъқул», — деди Хюсен Sportbibeln нашрига.
