«Бавария» ва Англия терма жамоаси ҳужумчиси Харри Кейн «Олтин тўп» учун овоз беришда ғолиб чиқиш эҳтимоли ҳақида фикр билдирди.

Кейннинг айтишича, бу йил тақдирлаш маросимининг Лондонда ўтказилиши унинг учун алоҳида аҳамиятга эга.

«Англиялик футболчилар 20 йилдан ортиқ вақтдан буён «Олтин тўп»ни қўлга киритмаган, ҳолбуки, бу даврда жуда кўп ажойиб инглиз футболчилари бўлди. Мен учун «Олтин тўп»ни ютиш улкан ютуқ бўларди. Аммо ҳозир асосий эътиборимни бу мавсумда яна юқори савияда ўйнаб, ўзимни кўрсатишга қаратганман», — деди Кейн «Бавария» клуб журналига берган интервьюсида.

Ўтган мавсум якунлари бўйича «Олтин тўп»ни топшириш маросими 26 октябрь куни бўлиб ўтади. Мукофот учун асосий даъвогарлар сифатида Харри Кейн ва Ламин Ямал кўрсатилмоқда.