Португалия терма жамоаси ҳимоячиси Рубен Диаш Миллатлар лигасида Данияга қарши бўлиб ўтадиган ўйиндан кутишлари ҳақида гапирди ва 2026 йил июль ойида бош мураббий этиб тайинланган Жорже Жезуш ҳақида фикр билдирди.
Жезуш бошчилигида Португалия терма жамоаси Миллатлар лигасида Уэльсни 1:0 ва Норвегияни 2:1 ҳисобида мағлуб этди.
«Бу ерда, Миллатлар лигасидаги ўйинлар ҳақиқатан ҳам осон эмас. Дания жуда самарали, яхлит ва хавфли жамоа. Сўнгги воқеалар ва унинг тарихини ҳисобга олган ҳолда, биз фақат энг яхши формамизда бўлган тақдирдагина ғалаба қозона олишимизни тушунамиз. Биз кучли бўлишни ва ўйиндан чин дилдан завқ олишни хоҳлаймиз. Терма жамоа шарафини ҳимоя қилиш — катта бахт. Биз буни юзимизда табассум билан амалга оширишни ва ғалаба қозонишни хоҳлаймиз.
Жорже Жезуш келганидан кейин кўп нарса ўзгарди. Менимча, бу истаган мақсадларимизга эришиш йўлидаги биринчи катта қадам бўлади. Мураббий айтганидек, жамоа яхши ҳимояланса, ғалабага яқинроқ бўлади. Биз бунга қатъий ишонамиз. Аста-секин мураббийнинг ғоялари майдонда ўз аксини топади», — дея Диашнинг сўзларини УЕФА расмий сайти келтирмоқда.
