Германиялик мураббий Юрген Клопп ўз фикрини ўзгартирди. Аввалроқ у "Манчестер Сити"дан олиб қўйилиши мумкин бўлган титуллар собиқ клуби "Ливерпуль"га берилса, уларни нишонлашга тайёр эканини айтган эди. Энди эса мутахассис бу масалага бошқача қарайди.

"Бироз вақт олдин, агар "Сити" сўнгги йилларда қўлга киритган совринларидан маҳрум қилинса, мен чемпионлик парадида қатнашаман ва усти очиқ автобусда ҳам юраман, дегандим. Аммо ҳозир бундай деб ўйламайман. Менимча, шунчаки кутиш ва воқеалар қандай ривожланишини кўриш керак", — дея Клоппнинг сўзларини derbyderbyderby.it келтирди.

Германиялик мутахассис "Ливерпуль"ни 2015 йилдан 2024 йилгача бошқарган.