Germaniyalik murabbiy Yurgen Klopp o‘z fikrini o‘zgartirdi. Avvalroq u "Manchester Siti"dan olib qo‘yilishi mumkin bo‘lgan titullar sobiq klubi "Liverpul"ga berilsa, ularni nishonlashga tayyor ekanini aytgan edi. Endi esa mutaxassis bu masalaga boshqacha qaraydi.
"Biroz vaqt oldin, agar "Siti" so‘nggi yillarda qo‘lga kiritgan sovrinlaridan mahrum qilinsa, men chempionlik paradida qatnashaman va usti ochiq avtobusda ham yuraman, degandim. Ammo hozir bunday deb o‘ylamayman. Menimcha, shunchaki kutish va voqealar qanday rivojlanishini ko‘rish kerak", — deya Kloppning so‘zlarini derbyderbyderby.it keltirdi.
Germaniyalik mutaxassis "Liverpul"ni 2015 yildan 2024 yilgacha boshqargan.
