Италия терма жамоаси бош мураббийи Роберто Манчини Миллатлар лигасида Францияга қарши ўйинда жамоаси фақат ғалабани кўзлаб майдонга тушишини таъкидлади.
Учрашув 2 октябрь куни бўлиб ўтади.
"Бу ажойиб футболчиларга эга жуда кучли жамоага қарши зўр ўйин бўлади. Биз ҳар доим яхши футбол кўрсатишни истаймиз ва қўлимиздан келган барча ишни қиламиз.
Бундай кучли жамоаларга қарши ғалабани кўзламасдан ўйнаб бўлмайди. Шунинг учун биз доимо ғалаба қозонишга интилишимиз керак. Кейин эса ҳар қандай натижа бўлиши мумкин", — дея Манчинининг сўзларини Football Italia келтирди.
Мураббий, шунингдек, Туркияга қарши 4:1 ҳисобида якунланган учрашув билан таққослаганда асосий таркибда камроқ ўзгариш бўлишини маълум қилди.
Жакомо Распадори ва Николо Дзаньоло эса жароҳат сабаб Италия терма жамоаси қароргоҳини тарк этган.
