Мексиканинг «Тихуана» клуби ҳужумкор ярим ҳимоячиси Хильберто Мора фаолиятини Англияда давом эттириши мумкин.

TEAMtalk маълумотига кўра, 17 ёшли футболчи учун асосий даъвогар «Ливерпуль» ҳисобланади. Мерсисайдликлар аллақачон истеъдодли мексикаликнинг вакиллари билан тўғридан-тўғри алоқага чиққан.

Манбанинг хабар беришича, трансфер қиймати 20–25 миллион еврони ташкил этиши мумкин. Агар келишув амалга ошса, бу Мексика чемпионати тарихидаги рекорд трансферга айланади.

Шу билан бирга, ярим ҳимоячига Европанинг бошқа гранд клублари ҳам қизиқиш билдирмоқда. Улар орасида «Арсенал», «Манчестер Сити», «Челси», «Манчестер Юнайтед», «ПСЖ», «Бавария» ва яна бир қатор машҳур клублар бор.

Мора жорий мавсумда чемпионатнинг еттита учрашувида майдонга тушиб, бешта гол урди ва битта голли узатмани амалга оширди.