Meksikaning «Tixuana» klubi hujumkor yarim himoyachisi Xilberto Mora faoliyatini Angliyada davom ettirishi mumkin.

TEAMtalk ma’lumotiga ko‘ra, 17 yoshli futbolchi uchun asosiy da’vogar «Liverpul» hisoblanadi. Mersisaydliklar allaqachon iste’dodli meksikalikning vakillari bilan to‘g‘ridan-to‘g‘ri aloqaga chiqqan.

Manbaning xabar berishicha, transfer qiymati 20–25 million yevroni tashkil etishi mumkin. Agar kelishuv amalga oshsa, bu Meksika chempionati tarixidagi rekord transferga aylanadi.

Shu bilan birga, yarim himoyachiga Yevropaning boshqa grand klublari ham qiziqish bildirmoqda. Ular orasida «Arsenal», «Manchester Siti», «Chelsi», «Manchester Yunayted», «PSJ», «Bavariya» va yana bir qator mashhur klublar bor.

Mora joriy mavsumda chempionatning yettita uchrashuvida maydonga tushib, beshta gol urdi va bitta golli uzatmani amalga oshirdi.