Франция терма жамоаси бош мураббийи Зинедин Зидан миллий жамоада муваффақиятсизликка учрашдан қўрқадими, деган саволга жавоб берди.
«Йўқ. Агар менда шундай қўрқув бўлганида, ҳозир бу ерда ўтирмаган бўлардим. Муваффақиятсизлик эҳтимоли мавжуд бўлса ҳам, мен бу ҳақда ҳеч қачон ўйламайман. Футболчилик фаолиятим давомида ҳам бундай фикрлар хаёлимга келмаган.
Мен доим Франция терма жамоасини бошқаришни орзу қилганман ва бу ишга тўлиқ тайёр ҳолда киришдим. Бизда жуда юқори савиядаги жамоа бор. Энг яхши натижаларга эришиш учун барча кучимни сарфлайман», — деди Зидан матбуот анжуманида.
Зидан ўтган ёзда Дидье Дешам ўрнига Франция терма жамоаси бош мураббийи этиб тайинланган эди.
Миллатлар лигаси А дивизиони биринчи гуруҳида икки турдан кейин Франция терма жамоаси 6 очко билан пешқадамлик қилмоқда.
