Fransiya terma jamoasi bosh murabbiyi Zinedin Zidan milliy jamoada muvaffaqiyatsizlikka uchrashdan qo‘rqadimi, degan savolga javob berdi.
«Yo‘q. Agar menda shunday qo‘rquv bo‘lganida, hozir bu yerda o‘tirmagan bo‘lardim. Muvaffaqiyatsizlik ehtimoli mavjud bo‘lsa ham, men bu haqda hech qachon o‘ylamayman. Futbolchilik faoliyatim davomida ham bunday fikrlar xayolimga kelmagan.
Men doim Fransiya terma jamoasini boshqarishni orzu qilganman va bu ishga to‘liq tayyor holda kirishdim. Bizda juda yuqori saviyadagi jamoa bor. Eng yaxshi natijalarga erishish uchun barcha kuchimni sarflayman», — dedi Zidan matbuot anjumanida.
Zidan o‘tgan yozda Didye Desham o‘rniga Fransiya terma jamoasi bosh murabbiyi etib tayinlangan edi.
Millatlar ligasi A divizioni birinchi guruhida ikki turdan keyin Fransiya terma jamoasi 6 ochko bilan peshqadamlik qilmoqda.
