Айни пайтда Миллатлар лигасининг жорий мавсумида ўтказган учта ўйинининг барчасида мағлуб бўлган ягона жамоа Сербия терма жамоаси бўлиб турибди.
Серблар ҳозирга қадар бирор марта ҳам мағлубиятдан қочиб қутула олмади. Жамоа пайшанба куни Германияга 0:2 ҳисобида ютқазди. 27 сентябрь куни Нидерландияга 1:2, 24 сентябрда эса Грецияга 1:2 ҳисобида имкониятни бой берди.
Велько Паунович бошчилигидаги Сербия терма жамоаси 4 октябрь куни яна Нидерландияга қарши майдонга тушади.
Миллатлар лигасида Туркия, Чехия, Шимолий Македония, Руминия ва Сан-Марино терма жамоалари ҳам ҳозирча бирорта очко жамғармаган. Бироқ ушбу жамоаларнинг ҳар бири ҳали иккитадан ўйин ўтказган.
