Англия Премьер-лигасида «Сандерленд» шарафини ҳимоя қилаётган нидерландиялик ҳужумчи Брайан Бробби фаолиятини Италия чемпионатининг топ-клубларидан бирида давом эттириши мумкин.
Инсайдер Экрем Конурнинг маълум қилишича, Туриннинг «Ювентус» клуби ҳужумчини ўз сафига қўшиб олишга қизиқиш билдирмоқда. Аввалроқ «Манчестер Юнайтед» ҳам нидерландиялик футболчини харид қилиш ниятида экани хабар қилинган эди.
Броббининг «Сандерленд» билан амалдаги шартномаси 2029 йил июнь ойи охирига қадар мўлжалланган. Ҳужумчининг трансфер қиймати 40 миллион еврога баҳоланмоқда.
24 ёшли футболчи жорий мавсум Англия Премьер-лигасида бешта учрашувда майдонга тушиб, учта гол урди.
