Angliya Premyer-ligasida «Sanderlend» sharafini himoya qilayotgan niderlandiyalik hujumchi Brayan Brobbi faoliyatini Italiya chempionatining top-klublaridan birida davom ettirishi mumkin.
Insayder Ekrem Konurning ma’lum qilishicha, Turinning «Yuventus» klubi hujumchini o‘z safiga qo‘shib olishga qiziqish bildirmoqda. Avvalroq «Manchester Yunayted» ham niderlandiyalik futbolchini xarid qilish niyatida ekani xabar qilingan edi.
Brobbining «Sanderlend» bilan amaldagi shartnomasi 2029 yil iyun oyi oxiriga qadar mo‘ljallangan. Hujumchining transfer qiymati 40 million yevroga baholanmoqda.
24 yoshli futbolchi joriy mavsum Angliya Premyer-ligasida beshta uchrashuvda maydonga tushib, uchta gol urdi.
