«Монако»нинг қанот ҳимоячиси Вандерсон Лондоннинг «Арсенал» клуби қизиқишлари доирасига кирган. Бу ҳақда журналист Экрем Конур хабар берди.

Манба маълумотига кўра, «канонирлар» бразилиялик футболчини кузатишда давом этмоқда, аммо унинг эҳтимолий трансфери бўйича ҳозирча якуний қарор қабул қилинмаган. Сўнгги ҳафталарда Англия гранди футболчининг ўйинини диққат билан кузатиб, унинг имкониятларини баҳоламоқда.

Вандерсон 2026/27 йилги мавсумда Франция чемпионати ва Конференциялар лигаси доирасида жами еттита учрашувда майдонга тушди, аммо гол ёки голли узатма билан ажралиб турмади.

25 ёшли футболчининг «Монако» билан шартномаси 2028 йилга қадар амал қилади. Transfermarkt маълумотига кўра, ҳимоячининг трансфер қиймати 18 миллион еврони ташкил этади.