«Monako»ning qanot himoyachisi Vanderson Londonning «Arsenal» klubi qiziqishlari doirasiga kirgan. Bu haqda jurnalist Ekrem Konur xabar berdi.

Manba ma’lumotiga ko‘ra, «kanonirlar» braziliyalik futbolchini kuzatishda davom etmoqda, ammo uning ehtimoliy transferi bo‘yicha hozircha yakuniy qaror qabul qilinmagan. So‘nggi haftalarda Angliya grandi futbolchining o‘yinini diqqat bilan kuzatib, uning imkoniyatlarini baholamoqda.

Vanderson 2026/27 yilgi mavsumda Fransiya chempionati va Konferensiyalar ligasi doirasida jami yettita uchrashuvda maydonga tushdi, ammo gol yoki golli uzatma bilan ajralib turmadi.

25 yoshli futbolchining «Monako» bilan shartnomasi 2028 yilga qadar amal qiladi. Transfermarkt ma’lumotiga ko‘ra, himoyachining transfer qiymati 18 million yevroni tashkil etadi.