«Ювентус» «Манчестер Юнайтед» ярим ҳимоячиси Бруну Фернандешга қизиқиш билдираётган клублар қаторига киради. Бироқ TuttoJuve хабарига кўра, туринликлар учун бу трансферни амалга ошириш осон бўлмайди.

Гап шундаки, «Манчестер Юнайтед» ўз сардорини 50–60 миллион еврога баҳоламоқда. «Ювентус» учун эса бундай маблағ жуда юқори ҳисобланади.

CaughtOffside маълумотига кўра, Фернандешга яна учта клуб — «Милан», «Атлетико» ва «Галатасарой» ҳам қизиқиш билдирмоқда.

32 ёшли Бруну Фернандешнинг «Манчестер Юнайтед» билан шартномаси 2027 йил ўрталарига қадар амал қилади. Битимда уни яна бир мавсумга узайтириш имконияти ҳам кўзда тутилган.