«Рома» бош мураббийи Жан Пьеро Гасперини жамоасининг аргентиналик ҳужумчиси Пауло Дибала ҳақида юқори фикр билдирди.
— Дибала сиз мураббийлик қилган футболчилар орасида энг яхшисими?
— Дибала — энг яхшилардан бири, балки энг яхшиси ҳамдир. Фаолиятим давомида жуда кучли футболчилар билан ишлаганман. Мен уларни «шоирлар» деб атайман: «Кротоне»даги Жедадан тортиб, «Аталанта»даги Иличич ва Алехандро Гомесгача. Шунингдек, Милито ва Тьяго Мотта ҳам бор эди.
Бундай футболчиларни кузатган ҳар қандай инсон улар қалбнинг мутлақо ўзига хос торларига таъсир қилишини ҳис қилади», — деди Гасперини.
Пауло Дибала 2022 йил июлидан буён «Рома» сафида тўп тепмоқда. Transfermarkt маълумотига кўра, аргентиналик футболчининг бозор қиймати 5 миллион еврога баҳоланади.
