"Спортинг" клубининг ўнг қанот ҳимоячиси Иван Фреснеда Европанинг икки йирик клуби қизиқиш доирасига кирган. Бу ҳақда журналист Экрем Конур хабар берди.
Манба маълумотига кўра, испаниялик футболчини трансфер қилишга Ла Лига гранди "Барселона" қизиқиш билдирмоқда. Каталонияликлар Жюль Кунденинг сотилиши эҳтимоли борлиги сабаб ҳимоянинг ўнг қаноти учун янги футболчи қидирмоқда.
Бироқ "Барселона" Фреснеда учун "Арсенал" билан рақобатлашишига тўғри келиши мумкин. Лондон клуби ҳам 22 ёшли ҳимоячини кузатиб бормоқда.
Жорий мавсумда Фреснеда барча мусобақалар доирасида 8 та ўйин ўтказиб, 1 та голли узатма берди.
Transfermarkt маълумотига кўра, футболчининг бозор қиймати 20 миллион еврога баҳоланмоқда.
