"Sporting" klubining o‘ng qanot himoyachisi Ivan Fresneda Yevropaning ikki yirik klubi qiziqish doirasiga kirgan. Bu haqda jurnalist Ekrem Konur xabar berdi.
Manba ma’lumotiga ko‘ra, ispaniyalik futbolchini transfer qilishga La Liga grandi "Barselona" qiziqish bildirmoqda. Kataloniyaliklar Jyul Kundening sotilishi ehtimoli borligi sabab himoyaning o‘ng qanoti uchun yangi futbolchi qidirmoqda.
Biroq "Barselona" Fresneda uchun "Arsenal" bilan raqobatlashishiga to‘g‘ri kelishi mumkin. London klubi ham 22 yoshli himoyachini kuzatib bormoqda.
Joriy mavsumda Fresneda barcha musobaqalar doirasida 8 ta o‘yin o‘tkazib, 1 ta golli uzatma berdi.
Transfermarkt ma’lumotiga ko‘ra, futbolchining bozor qiymati 20 million yevroga baholanmoqda.
