Аргентина терма жамоаси ҳимоячиси Кристиан Ромеро Лионель Мессининг миллий жамоадан кетиши ҳақида фикр билдирди ва улар ўртасидаги яқин муносабатлар ҳақида гапирди.
"Мен Мессига доим ҳавас билан қарардим. Кейин эса терма жамоага чақирилиб, у билан бирга вақт ўтказиш бахтига муяссар бўлдим. Футбол туфайли ўртамизда жуда мустаҳкам дўстлик пайдо бўлди ва ҳозир бу ҳолатни қабул қилиш мен учун оғир.
Мен унга доим ҳис қилган меҳримни етарлича кўрсата олмаганимдан жуда афсусда эканимни айтдим. Бу ҳақда ҳали кўп афсусланаман. Уни жуда қаттиқ соғинамиз — одамлар ўйлагандан ҳам анча кўпроқ", — деди Ромеро.
6 октябрдан 7 октябрга ўтар кечаси Месси Аргентина терма жамоаси сафидаги сўнгги ўйинини ўтказади. Рақиб Бенин терма жамоаси бўлади. Учрашув Тошкент вақти билан соат 04:00 да бошланиши режалаштирилган.
