Мадриднинг «Реал» клуби собиқ мураббийи Давиде Анчелотти отаси Карло Анчелоттининг мураббийлар штабида ҳам ишлаган. Унинг фикрича, Родри «қаймоқранглилар»га фойда келтира оларди.

Эслатиб ўтамиз, «Реал» ёзги трансферлар ойнасида Родрини «Манчестер Сити»дан сотиб олишни жуда истаган, аммо испаниялик футболчи «Барселона»ни танлаган.

«Родри Мадриднинг «Реал» клубига мос келармиди? Ҳа. Родри исталган жамоага мослаша олади. У Крооснинг ўрнини боса олармиди? Тонининг айнан нусхасини излаш шарт эмас. «Реал» ҳар қандай ҳолатда ҳам мувозанатни топади ва совринлар учун охиригача курашади — Родри билан ҳам, Родрисиз ҳам», — деди Анчелотти Diario AS нашрига.

«Реал» Испания Ла Лигасининг етти туридан кейин 15 очко жамғарган ҳолда тўртинчи ўринда бормоқда.