Каталониянинг «Барселона» клубига тегишли бўлган ярим ҳимоячи Марк Берналь фаолиятини Англия Премьер-лигасида давом эттириш учун бир нечта вариантга эга.
Инсайдер Экрем Конурнинг ижтимоий тармоқларда маълум қилишича, 19 ёшли испаниялик футболчининг хизматига «Ливерпуль» қизиқиш билдирмоқда. Шунингдек, Лондоннинг «Челси» ҳамда «Манчестер Юнайтед» клублари ҳам Бернальнинг фаолиятини кузатиб бормоқда.
Маркнинг «кўк-анорранглилар» билан шартномаси 2029 йил июнь ойи охирига қадар амал қилади.
Жорий мавсум Испания чемпионатида ярим ҳимоячи еттита ўйинда иштирок этиб, иккита голли узатмани амалга оширди.
