«Барселона» бош мураббийи Ханс-Дитер Флик шогирдларидан бири билан суҳбат ўтказди. Гап асосий таркибдаги барқарор ўрнини йўқотган ўнг қанот ҳимоячиси Жюль Кунде ҳақида кетмоқда.
Флик Кундега бўлган ишончини тўлиқ йўқотмаган, аммо француз футболчиси жамоада қолишни истаса, имкон қадар тезроқ ўйинини яхшилаши керак. Бу ҳақда El Nacional нашри L’Equipe манбасига таяниб хабар берди.
«Мураббий Кунде билан шахсан гаплашиб, агар у бундан кейин ҳам ишончни оқламаса, Флик уни ҳимоя қила олмаслигини тушунтирган. Бошқача айтганда, «Барселона» охир-оқибат уни трансферга қўйиши мумкин», — дейилади хабарда.
Флик билан бўлган ушбу суҳбат 27 ёшли Кунде учун қўшимча мотивация бўлиши кутилмоқда.
