Бразилиялик футболчи Додо "Фиорентина"ни тарк этиши мумкин. У клуб билан шартномасини узайтиришдан бош тортди, дея хабар бермоқда Италиянинг La Gazzetta dello Sport нашри.
Футболчининг бу қарорини тушуниш мумкин, чунки унга Испания чемпионати етакчиларидан бири бўлган "Барселона" қизиқиш билдирмоқда.
Каталония клуби нуқтаи назаридан, жамоага ҳимояда, айниқса ўнг қанотда ишончлилик етишмаяпти. Ҳозир бу позицияда Эрик Гарсия ҳаракат қилмоқда, яқин вақтгача эса Жюль Кунде ўйнарди. Додо ушбу муаммони ҳал қилишга ёрдам бериши мумкин.
Вазият келаси ёзгача ўзгарадими ёки трансфер масаласи январь ойидаёқ ҳал бўладими, ҳозирча номаълум.
