«Фрайбург» ҳужумчиси Игор Матанович Англия Премьер-лигасининг бир қатор грандлари эътиборига тушди.

Transfer News Live CaughtOffside манбасига таяниб хабар беришича, «Арсенал», «Манчестер Юнайтед» ва «Челси» вакиллари жорий мавсумда хорватиялик футболчининг ўйинларини синчиклаб кузатмоқда. 23 ёшли Матановичнинг ўзи ҳам Англияга кўчиб ўтишга тайёр.

Манбага кўра, «Фрайбург» ҳужумчининг трансфер қийматини сезиларли оширган. Энди уни сотиб олишни истаган клуб тахминан 50 миллион фунт стерлинг (қарийб 59 миллион евро) тўлаши керак.

Бунга Матановичнинг мавсумни юқори савияда бошлагани сабаб бўлган. У 7 та учрашувда 6 та гол ва 2 та голли узатма қайд этди.