«Frayburg» hujumchisi Igor Matanovich Angliya Premyer-ligasining bir qator grandlari e’tiboriga tushdi.

Transfer News Live CaughtOffside manbasiga tayanib xabar berishicha, «Arsenal», «Manchester Yunayted» va «Chelsi» vakillari joriy mavsumda xorvatiyalik futbolchining o‘yinlarini sinchiklab kuzatmoqda. 23 yoshli Matanovichning o‘zi ham Angliyaga ko‘chib o‘tishga tayyor.

Manbaga ko‘ra, «Frayburg» hujumchining transfer qiymatini sezilarli oshirgan. Endi uni sotib olishni istagan klub taxminan 50 million funt sterling (qariyb 59 million yevro) to‘lashi kerak.

Bunga Matanovichning mavsumni yuqori saviyada boshlagani sabab bo‘lgan. U 7 ta uchrashuvda 6 ta gol va 2 ta golli uzatma qayd etdi.