Португалия терма жамоаси ярим ҳимоячиси Бруну Фернандеш «Манчестер Юнайтед»да Оле Гуннар Сульшер қўл остида ишлаган даврини эслади.
«Сульшер мен учун жуда муҳим мураббий. Айнан у менга дунёнинг энг буюк клубларидан бирида ўйнаш имкониятини берди.
Оле билан бирга ишлаган даврларимни илиқ хотиралар билан эслайман. Баъзида футбол ҳақида суҳбатлашиб турамиз, аммо ҳозирча Португалия ва Норвегия ўртасидаги бўлажак ўйин ҳақида гаплашиш имконияти бўлмади.
Умид қиламанки, учрашув норвегияликлар учун эмас, бизнинг терма жамоамиз учун муваффақиятли якунланади ва финал ҳуштагидан сўнг унга хабар ёза оламан», — дея Фернандешнинг сўзларини келтиради United Zone.
