Испания терма жамоаси Миллатлар лигаси гуруҳ босқичи учинчи турида Чехияни ишончли тарзда мағлуб этди. Бу икки жамоа ўртасидаги саккизинчи учрашув бўлди. Чехия терма жамоаси 1990-йиллар ўрталаридан бошлаб мустақил равишда иштирок эта бошлаган, унгача эса Чехословакия терма жамоаси мавжуд эди.
Испания терма жамоаси ҳали бирор марта Чехияга мағлуб бўлмаган.
Жамоалар ўртасидаги илк ўйин 1996 йил 9 октябрь куни бўлиб ўтган ва 0:0 ҳисобида якунланган. Ўша пайтда Чехия Европа вице-чемпиони мақомида эди, Испания эса унчалик кучли кўриниш намойиш этмаётганди.
Кейинги еттита учрашувда Испания олти марта ғалаба қозонди, яна бир баҳс эса дуранг билан якунланди.
